Дар бораи телевизион

Муассисаи давлатии «Телевизиони Сафина» мувофиқи Қарори Ҳукумати Ҷумҳурии Тоҷикистон таҳти №308 аз 22 августи соли 2005-ум таъсис ёфта, Ҳукумати Ҷумҳурии Тоҷикистон муассиси расмии он маҳсуб меёбад.

Рўзи 03.09.2005 расо соати 8-и субҳ аввалин барномаи телевизионӣ тариқи эфири шабакаи«Телевизиони Сафина» пахш ва манзури сокинони мамлакат гардид.

Боиси ифтихор аст, ки Президенти Ҷумҳурии Тоҷикистон мўҳтарам Эмомалӣ Раҳмон низ дар маросими бо тантанаи ба фаъолият оғоз намудани Муассисаи давлатии «Телевизиони Сафина» ширкат варзида, шахсан бо пахши тугмачаи дастгоҳи паҳнкунандаи мавҷи телевизионӣ ба фаъолияти боз як шабакаи тозабунёди телевизионӣ дар Тоҷикистони соҳибистиқлол ифтитоҳ бахшид. Сарвари давлат дар ҷараёни суханронии мустақим дар ин рўзи муборак «Телевизиони Сафина» — ро меваи истиқлол маънидод сохта, онро ҳамзамон саҳнаи озоди афкору пайкори тамоми фарҳангиёни кишвар ва инъикосгару таблиғкунандаи фарҳанги волои миллӣ арзёбӣ намуд.

Муассисаи давлатии «Телевизиони Сафина» аз оғоз фаъолияти худро дар асоси талаботи Сарқонуни Ҷумҳурии Тоҷикистон, Қонуни Ҷумҳурии Тоҷикистон «Дар бораи телевизион ва радиошунавонӣ» ва дигар санадҳои меъёриву ҳуқуқии Ҷумҳурии Тоҷикистон ба роҳ мондааст.

Самти асосии фаъолияти Муассисаи давлатии «Телевизиони Сафина» ба инъикосу тарғиби сиёсати пешгирифтаи созандаю бунёдкоронаи Давлату Ҳукумати Ҷумҳурии Тоҷикистон, инчунин истеҳсол ва пахши барномаҳои телевизионии суръатбахшандаи раванди рушди иҷтимоию иқтисодӣ ва фарҳангию маънавии Тоҷикистон, ҷараёни демократикунонии ҷомеъа ва таҳкими муносибатҳои дўстонаи Ҷумҳурии Тоҷикистон бо дигар давлатҳои ҷаҳон равона гардидааст.

Бо Қарори Ҳукумати Ҷумҳурии Тоҷикистон мутахассиси варзида Пиров Маҳмадсаид Шоҳиддинович аввалин директори Муассисаи давлатии «Телевизиони Сафина» таъин карда шуд.

Аз сентябри соли 2009 то июни соли 2015 дар вазифаи Директори Муассисаи давлатии «Телевизиони Сафина» Давлатзода Лутфулло Саъдулло фаъолият намудааст.

Аз мохи июни соли 2015 то 15 марти соли 2017 МД «Телевизиони Сафина» зери роҳбарии директори он Давлатзода Зевар Маҳмудӣ бо пешниҳоди барномаву намоишҳои рангини гуногунжанри телевизионӣ миёни тамошобинон маҳбубияти хоса пайдо кардааст.

Имрўзҳо рохбарии МД «Телевизиони Сафина» — ро мутахассиси варзида Саидов Носир Озотович бар уњда дорад.

Дар «Телевизиони Сафина» идора ва шўъбаҳои зерин фаъолият доранд:
— Идораи тиҷорат ва реклама;
— Идораи барномаҳои иттилоотӣ–таҳлилӣ;
— Идораи барномаҳои фарҳангию фароғатӣ;
— Идораи барномаҳои ҷавонӣ ва варзиш;
— Идораи барномаҳои таълифии «Эҷод»;
— Идораи наворбардорон;
— Идораи тасвирбардорон;
— Идораи таҳия ва дубляжи филмҳо;
— Идораи хизматрасонии бино ва иншоот.
— Шўъбаи кадрҳо ва коргузорӣ;
— Шўъбаи иқтисод ва муҳосибот;
— Шўъбаи коргардонҳои овоз;
— Шўъбаи танзим ва пахши барномаҳо;
— Шўъбаи дизайн ва рассомӣ;
— Маҷмааи марказҳои студиявӣ;
— Студияи сайёри телевизионӣ;
— Шўъбаи истеҳсолию техникӣ ва техникаи бехатарӣ;
— Шўъбаи бойгонӣ;
— Шўъбаи васли барномаҳо;
— Шўъбаи ороиши саҳна;
— Шўъбаи равшандиҳии махсус;
— Шўъбаи нақлиёт;
— Шўъбаи барқ.

Кормандони муассисаи мазкур кӯшиш хоҳанд кард, ки дар ҷараёни ҳамаи рӯйдоду воқеоти дохил ва хориҷи кишвар қарор дошта бошанду ахбори саривақтию оҷил ва барномаҳои рангину ҷолибро ба бинандаҳо пешниҳод намоянд.