Ҷашнвораи Беҳтарин

  • Маросими Ҷоизасупории Телевизионии Беҳтарин HD

 

МАРОСИМИ ҶОИЗАСУПОРИИ ТЕЛЕВИЗИОНИИ
“БЕҲТАРИН”

Маросими ҷоизасупории телевизионии «БЕҲТАРИН» барои дарёфти ҷоизаҳо кулли эҷодкоронро аз шабакаҳои телевизионӣ, марказҳои продюсерӣ ва студияҳои хусусӣ барои ширкат даъват мекунад. Маросими ҷоизасупории телевизионии «БЕҲТАРИН» беҳтаринҳоро муайян хоҳад кард.

Довталабон метавонанд аз рӯи бахшҳои зерин маводи худро пешниҳод намоянд:

1. Беҳтарин филми мустанад ё барномаи муаллифӣ
2. Беҳтарин шоу-барнома
3. Гузориши беҳтарини иттилоотӣ
4. Беҳтарин барномаи илмӣ-оммавӣ
5. Беҳтарин наттоқ
6. Беҳтарин кори коргардонӣ
7. Беҳтарин кори наворбардорӣ
8. Беҳтарин танзими барнома
9. Муаллифи беҳтарин идея
10. Ороиши беҳтарин (дизайн)
11. Беҳтарин мусоҳиба (диалог)
12. Беҳтарин барномаи ватанпарастӣ
13. Лавҳаи беҳтарини фарҳангӣ
14. Беҳтарин садо
15. Беҳтарин ороиши студия (рассом)

Шабакаҳои телевизионии ҷумҳуриявию вилоятиву шаҳрӣ, марказҳои продюсерӣ ва студияҳои хусусӣ маводи худро бояд то 15-уми октябри соли ҷорӣ ба МД ТВС пешниҳод намуда, номнавис шаванд. Иштирокчиёни ҷашнвораро ҷоизаҳои махсус ва туҳфаҳои молӣ интизор аст! Маросими ҷоизасупории телевизионии «БЕҲТАРИН» дар фазои шукуҳманд, бо ширкати меҳмонони дохилу хориҷ ва сарояндаҳои маъруф ҷамъбаст хоҳад шуд. Телевизиони “САФИНА”, беҳтаринҳоро меҷӯяд, ин ҷо, ҷои беҳтаринҳост!

Довталабонро зарур аст барои иштирок дархости худро ( Дархост ) ба суроғаи Муассисаи давлатии “Телевизиони Сафина” пешниҳод намоянд.

НИЗОМНОМАИ

Маросими ҷоизасупории телевизионии

“БЕҲТАРИН”

 Муассиса ташкилкунанда: Муассисаи давлатии

«Телевизиони Сафина»

 

МАҚСАД ВА ВАЗИФА (Муқаррароти умумӣ):

1.Маросими ҷоизасупории телевизионии “БЕҲТАРИН”-ро Муассисаи давлатии “Телевизиони Сафина” дар асоси вазифаҳои Оинномавии худ баргузор мекунад. Мақсад аз баргузории Маросими ҷоизасупорӣ мусоидат ба паҳн намудани дастовардҳо дар соҳаи телевизион, фароҳами овардани шароити мусоиди ҳамкории мутахассисони телевизионҳои давлатию хусусӣ (инфиродӣ) дар соҳаи телевизион. Инчунин бо мақсади муайян намудани беҳтаринҳо ва дастгирии соҳибистеъдодҳо дар бахшҳои гуногуни фарҳанг, аз қабили санъати филмофарӣ, таҳияи шоу-барномаҳо, гузоришҳои иттилоотӣ, барномаҳои илмӣ — оммавӣ, кори коргардонӣ, наттоқӣ, наворбардорӣ, танзими барнома, идея, дизайн, мусоҳиба, барномаҳои ватанпарстӣ, лавҳаҳои фарҳангӣ, ороиши студия ва ба ин васила мусоидат кардан ба рушди телевизиони миллӣ дар Тоҷикистон гузаронида мешавад.

ИШТИРОКЧИЁНИ ФЕСТИВАЛ

Муассисаҳои давлатию хусусии истеҳсолкунандаи маводи телевизионӣ, студияҳои садо ва симо, марказҳои продюсерӣ, ҷамъиятҳои соҳавӣ ва шахсони инфиродии соҳибкасб, ки дар Ҷумҳурии Тоҷикистон кор мекунанд.

ШАРТУ ШАРОИТИ БАРГУЗОРИИ ФЕСТИВАЛ

Барои иштирок дар Маросими ҷоизасупорӣ довталабон бояд танҳо он маводеро пешкаш намоянд, ки ба тозагӣ сабту таҳия гардидаву асл  аст.

Шартҳои иштирок дар ҷашнвора пешниҳоди маводи зерин:

  1. Беҳтарин филми мустанад ё барномаи муаллифӣ 25-40 дақиқа;
  2. Беҳтарин барномаи ватанпарастӣ 15-40 дақиқа;
  3. Беҳтарин Шоу-барнома 20-40 дақиқа;
  4. Гузориши беҳтарини иттилоотӣ 2-5 дақиқа;
  5. Беҳтарин барномаи илмӣ-оммавӣ 30-40 дақиқа;
  6. Беҳтарин мусоҳиба 10-15 дақиқа;
  7. Беҳтарин лавҳаи фарҳангӣ 3-5 дақиқа;
  8. Беҳтарин наттоқӣ (сабти видеоӣ) 5-10 дақиқа;
  9. Беҳтарин садо (аудио-видео) 3-7 дақиқа;
  10. Беҳтарин кори коргардонӣ;
  11. Беҳтарин кори наворбардорӣ;
  12. Беҳтарин кори танзими барнома;
  13. Беҳтарин кори дизайнерӣ (ороиши барнома);
  14. Беҳтарин ороиши студия (рассомӣ);
  15. Муаллифи беҳтарин идея (хаттӣ, видеоӣ).

Довталабонро зарур аст барои иштирок дархости худро (замимаи 1) ба суроғаи Муассисаи давлатии “Телевизиони Сафина” пешниҳод намоянд.

Барои як маводи пешниҳодгардида, танҳо як довталаб ҳуқуқи дар Маросими ҷоизасупорӣ пешниҳоди номзадиашро дорад.

Корҳои пешниҳодшуда бояд бо забони тоҷикӣ бошанд ё ба он тарҷума шуда бошанд (овоздиҳӣ, субтитрҳо).

Ҷой додани рекламаи шахсият, корхона, молу ашё ва ғайра дар маводи пешниҳодгардида қобили қабул нест, инчунин истифода аз кинофилмҳо ва дигар видеоҳои хазинавӣ бе зарурати касбӣ низ қабул намегардад.

Муассиси Маросими ҷоизасупорӣ ҳуқуқ дорад дар ҳар марҳила, ки номувофиқии довталаб ва ё маводи пешниҳодгардида ба шартҳои ҷашнвораро ошкор намуд, аз лоиҳа берун кунад.

Мӯҳлати ниҳоии пешниҳоди мавод барои иштирок ва номнавис аз 12 то 30 сентябри соли 2017.

ТАРТИБИ БАҲОГУЗОРӢ

Ғолибони ҷашнвораро ҳайати ҳакамон, ки аз журналистон, рассомон, сиёсатмадорон, шахсиятҳои маъруфи соҳаи кино, телевизион ва радио таъсис дода мешавад, муайян мекунанд.

Маросими ҷоизасупорӣ тавассути телевизиони “Сафина” ва шабакаҳои ҷаҳонии интернет инъикос карда мешавад.

МУҚАРРАРОТИ ХОТИМАВӢ

Маводи ба ҷашнвора пешниҳодгардида аз ҷониби ҳайати васеи доварон дар давоми 7 рӯзи корӣ мавриди баррасӣ ва таҳлил қарор гирифта, баҳогузорӣ мегардад ва бо тавсияи хаттии ҳайати доварон барои пешбурди кор ба мутасаддиёни ҷашнворапешниҳод мегардад.

Консерти ҷамъбастӣ бо ғолибони ҷашнвора дар шаҳри Душанбе баргузор гашта, иштирокчиён боҷоиза ва дипломи Ҷашнвора сарфароз гардонида мешаванд.

Ҳайати доварони ҷашнвора барои баҳогузории ҳунару маҳорати довталабон аз ҷониби директори Муассисаи тасдиқ мегардад.

Ҳайати доварон дар фаъолияти худ набояд барои пайдо шудани ихтилофи манфиатҳо, ки ба баҳодиҳӣ таъсир расонида метавонад, шароит фароҳам биёранд. Доварони ҷашнвора дар вақти баҳогузории ҳунарӣ ва маводи довталабон, додани хулоса ва тавсия мустақил мебошанд. Муассис метавонад дар ҳолати зарурӣ ба ҳайати доварони ҷашнвора шахсони дигарро бо ҳуқуқи гузоштани баҳо илова кунад.

Ҳар гуна баҳсҳо вобаста Ҷашнвора дар ҳузури ташкилкунандагони ҷашнвора дар ҷамъи доварон ҳал карда мешавад.

Тамос бо мо: 901-80-65-56, 93-537-00-66, 227-78-07
www.safina.tj // behtarin-tvs@mail.ru