05.04.2016 13:34

Дар идораи фарҳангӣ — фароғатӣ як гурӯҳи пурнуфузу ҳушманд ҳамарӯза фаъолияти эҷодӣ доранд. Қариб ҳар рӯз аз тариқи эфири ТВСафина як ё ду барномаи аргиналии таҳиякардаи муҳаррирони ин идора пешниҳоди бинандаи закӣ мегардад. Ин барномаҳо марбут ба жанрҳои гуногуни журналистика, бо диди нав ва ҷавобгӯ ба талаботу сиёсати пешгирифтаи давлат банду баст мегарданд. Чун мавзӯъҳо бархурди завқи бинандаи ҳушманд, ки ҳаст аз ҷониби эшон низ хуб истиқбол мегарданд.

    Дар идора 4 муҳаррир Нигинаи Муъмин, Таҳмина Ҳасанова, Зебунисо Азизова, Баргигул  Сафарова  фаъолият  мекунанд,  банду басти барномаҳои идораро танзимгарон  Хадича  Исоева,  Исматулло Назаров,  Воҳидҷони Савлатшоҳ  ва Ғолиб Шарифов    анҷом медиҳанд.  Коргардони идора     Фарҳод Абдуллоев  ва ёвари коргардон Баҳром Сатторов  мебошад.

 «Вожазори маонӣ» муаллиф  Нигинаи Мӯъмин.  Барнома покизагии рӯҳу ботин ва сафои беғашу оинасони сурату сирати инсон дар рафтору гуфтору кирдор, дар тавони ҳунар ва дар панҷаи қудрати эҷоди ӯ падид меояд ва пайваста навозиш мекунад зеҳну завқро. Ҳамин гуна чеҳраҳои аршад, ки дар ҳунару эҷод эҳтиромро қоиманду, эҳтирофро меҳмон мешаванд дар барномаи «Вожазори Маонӣ» ва чун бо забони сидқ, вафо, меҳр , сухан баён мекунанд. Бинанда сухани эшонро бо гӯши қабул хоҳад шунид. Ин гуна ашхос бо ҳузури муборак ва ибрози андешаҳои бикр равони хастаи тамошобинро обод хоҳанд кард.

Соҳил  муаллиф Нигинаи Муъмин. Ин барнома тоза таҳрезӣ шуда дар дарёи сухани ноб, садои малакутӣ ва оҳангҳои зиндагӣ дар соҳили фарҳанг мисле, ки ба қиём меояд. Чашмони рӯ ба субҳи толеъ хуфтаро мекушояд, дар гулдони зеҳни бинанда гули маърифатро месабзонад ва пайкарро нияти обод кардан дорад.

Толори оинаҳо  муаллиф Зебунисо Азизова. Барнома дар шакли суҳбат бо ҷалби мутахассисони соҳаҳои мухталиф вобаста ба мавзӯъ дар ҳаҷми 40 дақиқа таҳия мешавад. Ҳадафи барнома баррасии масоили актуалии ҷомеа буда ҳар ҳафта як маротиба пахш мегардад.

Моҳият муаллиф Баргигул Сафарова. Дар барнома доир ба касбу корҳои  гуногун аз ҷумла  ҳуқуқшинос, меъмор, омӯзгор, табиб, муҳандис, роҳсоз ё ҳунарҳои дузандагию пазандагӣ сухан меравад. Агар дар барнома пешаи меъмори матраҳ шавад дар он ҳатман муаллиф аз паҳлуҳои мусбату манфии ин соҳа маълумотҳоро ба таври сужаву наворҳо ҷамъоварӣ намуда бо андешаи мутахассисон онро мустаҳкам менамояд. Яъне  ҳадафи асосии таҳиягарони барнома  ба бинанда дуруст фаҳмондани моҳияти ин ё он пеша ва дарёфти муваффакият  дар касбу ҳунари интихобнамуда мебошад.

Инсон ва ҳуқуқ  муаллиф Таҳмина Ҳасанова. Барнома  дар студия бо ҷалби мутахассисони соҳа сурат гирифта, атрофи масоили мухталифи арзишҳои ҳуқуқӣ, ҳифзи ҳуқуқу озодиҳои инсонро дар ҷомеа  таҳлилу баррасӣ мекунад.

    Ҳайати эҷодии идора дар оянда ният доранд, ки  лоиҳаҳои ҷадидро рӯи кор биёранд, то бозгӯи солимии фазои эҷодии муассиса бошанд. Ин лоиҳаҳо дар шакли мадерн таҳия мешаванд ва қабули завқи бинанда низ хоҳад шуд.

Добавить комментарий

Барномаҳо

Гимн
24 апрел 06:00
Субҳ ба хайр Тоҷикистон!
24 апрел 06:05
Навид
24 апрел 20:00