27.03.2017 14:50

Дастаи мунтахаби Тоҷикистон 25 март барои гузаронидани бозии аввалини расмии интихобии Ҷоми Осиё-2019 бо дастаи мунтахаби Яман ба шаҳри Давҳаи Қатар рафт ва 26 март нахустин тамринҳои худро дар ин сарзамин оғоз кард.
Сармураббии дастаи мунтахаби кишвар Ҳаким Фузайлов бо ёваронаш ба ғайр аз машқҳои ҷисмонӣ боз паҳлӯҳои тактикии бозиро бо дастаи мунтахаби Яман роҳандозӣ карданд.
Имрӯз дар шаҳри Давҳа конфронси матбуотии сармураббиёни дастаҳои мунтахаби Тоҷикистон ва Яман баргузор мешавад. Шоми ҳамин рӯз футболбозони тоҷик машқҳои пешазбозии худро дар варзишгоҳи Суҳейм бин Ҳамад мегузаронанд.
Ёдрас мешавем, ки 28 март соати 21:00 бо вақти Душанбе бозии дастаи мунтахаби Яман ва Тоҷикистон дар гурӯҳи «F»-и бозиҳои интихобии Ҷоми Осиё -2019 дар варзишгоҳи Суҳейм бин Ҳамад доир мешавад.

Барномаҳо

Навид
22 июл 20:00