«Шоми фалакхонӣ» дар Консерваторияи миллии Тоҷикистон

9 октябри соли 2017 дар Консерваторияи миллии Тоҷикистон ба номи Т. Сатторов ба ифтихори 10-солагии эълон гаштани Рӯзи фалак ва Соли ҷавонон силсилаи «Шоми фалакхонӣ» ифтитоҳ гардид.

Ба иттилои Вазорати фарҳанги Ҷумҳурии Тоҷикистон дар чорабинӣ устодону донишҷӯёни факултаи мусиқии суннатии тоҷик барномаи ҳунариро дар шакли Фалаки Ғазалхонӣ манзури ҳаводорони ин намуди санъат карданд. Силсилаи «Шоми фалакхонӣ» то 11-уми октябр идома карда, дар барнома Фалаки роғӣ, Мадҳияхонӣ ва Фалаки созӣ пешкаши тамошобинон мешавад.