Ҳайати иштирокчиёни Рӯзҳои фарҳанги Тоҷикистон ба Ӯзбекистон сафар кард

Имрӯз 44 нафар иштирокчиёни Рӯзҳои фарҳанги Ҷумҳурии Тоҷикистон дар Ҷумҳурии Ӯзбекистон ба шаҳри Тошкент сафар намуданд. Дар ин бора Вазорати фарҳанги Ҷумҳурии Тоҷикистон иттилоъ нашр кардааст.

Рӯзҳои фарҳанги Тоҷикистон дар Ӯзбекистон аз 10 то 14 октябри соли 2017 дар шаҳри Тошкенти Ҷумҳурии Ӯзбекистон бо мақсади таҳкими робитаҳои фарҳангии ду кишвари дӯсту ҳамҷавор баргузор мешаванд.

Ифтитоҳи ботантанаи Рӯзҳои фарҳанги Ҷумҳурии Тоҷикистон дар Ҷумҳурии Ӯзбекистон 11 октябри соли 2017 соати 19:00 дар Театри калони давлатии академии ба номи Алишер Навоӣ дар шаҳри Тошкент дар назар аст.