Либоси миллӣ-нишонаи фарҳанги миллат

Дар Филармонияи давлатии Тоҷикистон ба номи Акашариф Ҷӯраев, таҳти унвони “Либоси миллӣ-нишонаи фарҳанги миллат” чорабинии фарҳангӣ баргузор шуд. Ҳозирин тадбири мазкурро, ки бо ташаббуси Коллеҷи тиббии иҷтимоии шаҳри Душанбе доир гардид, ба Соли ҷавонон рабт доданд.

Тавре зикр шуд, либоси миллӣ дар баробари забону фарҳанг аз рукнҳои асосии ҳастии миллат маҳсуб меёбад. Тарғибот ва ҷонибдории занону духтарони бофарҳанги тоҷик заминаи мусоидро барои густариш ва муаррифии либосҳои миллӣ фароҳам меорад.

Сипас барномаи фарҳангии ҷавонон, ки тараннумгари зебоӣ буд, пешниҳоди ҳозирин гардонида шуд.