Ифтитоҳи намоишгоҳи «Тоҷикистони муосир» дар шаҳри Тошкент

Дар доираи Рӯзҳои фарҳанги Тоҷикистон дар Ӯзбекистон 11 октябр соли 2017 дар Намоишгоҳи санъати тасвирии Ӯзбекистон намоиши аккосии «Тоҷикистони муосир» ифтитоҳ ёфт. Дар ин бора Вазорати фарҳанги Ҷумҳурии Тоҷикистон маълумот нашр кардааст.

Намоишгоҳ бо сухани ифтитоҳии муовини вазири фарҳанги Ҷумҳурии Ӯзбекистон Камола Оқилова ва муовини аввали вазири фарҳанги Ҷумҳурии Тоҷикистон Ибодулло Машраб оғоз гардид.

Дар намоишгоҳ аксҳои аксбардори хушсалиқаи тоҷик Амир Исоев, ки табиати зебо, урфу одат ва анъанаи халқи тоҷик ва рўзгори онро инъикос мекунанд, ба маърази тамошо гузошта шуданд. Намоишгоҳ ба тамошобинони ӯзбек хеле писанд омад.