Ифтитоҳи Рӯзҳои фарҳанги Ҷумҳурии Тоҷикистон дар Ҷумҳурии Ӯзбекистон

Шоми 11 октябри соли 2017 дар шаҳри Тошкент дар толори Театри калони давлатии академии ба номи Алишер Навоӣ ифтитоҳи ботантанаи Рӯзҳои фарҳанги Ҷумҳурии Тоҷикистон дар Ҷумҳурии Ӯзбекистон баргузор гардид.

Ба иттилои Вазорати фарҳанги Ҷумҳурии Тоҷикистон дар барномаи консертӣ устодони варзида ва ҷавонони соҳибистеъдоди санъати тоҷик ҳунарнамоӣ карда, тамошобинони ӯзбекро ба ваҷд оварданд.

Ансамбли овозадори рақсии «Зебо» дар барномаи консертӣ муаррифгари санъати рақсии тоҷик буда, бо рақси зебову мафтункунандаи худ таваҷҷуҳи тамошобинонро ба худ ҷалб намуд.