Рӯнамои китоби «Ҷавонон-пайрави Эмомалӣ Раҳмон»

Имрӯз дар шаҳри Душанбе рӯнамоии китоби «Ҷавонон- пайрави Эмомалӣ Раҳмон» доир гардид. Дар ин чорабинӣ намояндагони вазорату идораҳои дахлдори кишвар ва ҷавонони фаъол иштирок намуданд.

Ин китоби тозанашр бахшида ба Соли ҷавонон ва 25-умин солгарди Иҷлосияи XVI Шӯрои Олии Ҷумҳурии Тоҷикистон тариқи нашриёти «Эр-граф» бо теъдоди 400 нусха аз чоп баромадааст. Китоби мазкур 74 мақолаи олимони ҷавонро оид ба дастуру ҳидоят ва ғамхориҳои Пешвои миллат дар самти татбиқи сиёсати давлатии ҷавонон фаро мегирад.

Маҷмӯа бо ибтикори Ташкилоти ҷамъиятии ҷавонон «Созандагони Ватан» ва шуъбаи кор бо ҷавонон ва занони дастгоҳи Кумитаи иҷроияи Марказии Ҳизби Халқии Демократии Тоҷикистон ва кумитаҳои иҷроияи ҳизб нашр гардида, армуғони хубе барои олимони ҷавони кишвар аст.

Хонанда метавонад аз ин маҷмӯа нигоҳи наву тозаи ҷавонони кишварро оид ба масъалаҳои мубрами рӯз ва инъикоси хизматҳои таърихии Пешвои миллат, Раиси ҲХДТ муҳтарам Эмомалӣ Раҳмон дар роҳи бунёди ҷомеаи озоду демократӣ ва пешрафтаю шукуфо дарёбад.