Ташрифи ҳайати фарҳангии Ҷопон ба Донишкадаи санъати тасвирӣ ва дизайн

3 ноябри соли 2017 ҳайати фарҳангии Ҷопон бо роҳбарии Директори Бунёди Ҷопон Хироко Мияджима ба Донишкадаи давлатии санъати тасвирӣ ва дизайни Тоҷикистон ташриф оварданд.

Ба иттилои Вазорати фарҳанги Ҷумҳурии Тоҷикистон меҳмонон аз раванди таълим дар равияҳои санъати тасвирӣ, ороиши амалӣ, дизайни либос, заргарӣ ва ҳайкалтарошӣ дидан намуда, дар бораи ба роҳ мондани ҳамкориҳо бо роҳбарияти муассиса гуфтушунид намуданд.

Донишҷӯёни муассиса аз натиҷаи корҳои амалии худ намоиши муд ташкил намуданд, ки писанди меҳмонон гардид.