Барномаи рангини консертӣ дар Боғи фарҳангу фароғатии ба номи Садриддин Айнӣ

Сайругашти оммавии сокинону меҳмонони пойтахт бахшида ба солгарди навбатии рӯзи қабули Конститутсияи Ҷумҳурии Тоҷикистон бо барномаи рангини консертӣ ҷамъбаст шуд. Ин барномаи ҳунарӣ дар Боғи фарҳангу фароғатии ба номи Садриддин Айнӣ, ки баъди азнавсозӣ мавриди баҳрабардорӣ қарор гирифт, пешкаши тамошобинон гардонида шуд.

Дар ин консерт, ки аз ҷониби ҳунармандону санъаткорони шаҳру ноҳияҳои вилояти Суғд пешниҳод гардид, саҳначаҳо аз таърих, аз ҷумла аз рӯзгору пайкори бузургони миллат намоиш дода шуд, то ҷавонони имрӯза аз гузаштаи худ огаҳ бошанд ва дар роҳи бунёду зебо гардонидани кишвари маҳбуб камари ҳиммат банданд.