Таҷлили Рӯзи театри тоҷик ва 60-солагии фаъолияти эҷодии Марям Исоева

Шоми рӯзи гузашта дар Театри давлатии академии драмавии ба номи А. Лоҳутӣ Рӯзи театри тоҷик ва 60-солагии фаъолияти эҷодии Ҳунарпешаи халқии Тоҷикистон Марям Исоева таҷлил карда шуд.

Дар чорабинӣ Вазири фарҳанги Ҷумҳурии Тоҷикистон Шамсиддин Орумбекзода, ҳунармандону санъаткорони кишвар иштирок карда, доир ба шоҳкориҳои Марям Исоева дар рушди театр ва кинои тоҷик ибрози ақида карданд. Ҳамчунин дар ин рӯз ба хотири саҳм гузоштан дар рушди театр ба як қатор ҳунармандони ҷавон аз ҷониби Вазорати фарҳанг ифтихорномаву нишонҳои сарисинагӣ тақдим гардид. Сипас, барномаи ҳунарии театрҳои пойтахт манзури ҳозирин гардонида шуд.