Ҷамъбасти озмуни «Навои Ваҳдат»

Дар Иттифоқи композиторони Тоҷикистон ҷамъбасти озмуни ҷумҳуриявии «Навои Ваҳдат» баргузор гардид.

Ба иттилои Вазорати фарҳанги кишвар ин озмун ба 25-солагии Иҷлосияи XVI-уми Шӯрои Олии Ҷумҳурии Тоҷикистон бахшида шуда, мақсади баргузории он офаридани асарҳои мусиқии баландғояи замонавӣ ва ба ин васила баланд бардоштани нақши аҳли эҷод дар тарбияи маънавӣ ва сиёсии ҷомеа, инчунин ташаккули мусиқии муосири тоҷик мебошад.

Озмун аз ҷониби Вазорати фарҳанги Ҷумҳурии Тоҷикистон, Кумитаи иҷроияи Ҳаракати Ваҳдати миллӣ ва эҳёи Тоҷикистон ва Иттифоқи композиторони Тоҷикистон гузаронида шуд.