Ифтитоҳи Фестивали филмҳои Корея – 2017

Имрӯз дар «Кохи Наврӯз»-и шаҳри Душанбе Кинофестивали Корея – 2017 таҳти унвони «Дӯстӣ ба хотири оянда» шурӯъ гардид. Дар ин бора Вазорати фарҳанги Ҷумҳурии Тоҷикистон маълумот нашр кардааст.

Дар ифтитоҳи чорабинии мазкур намояндагони Вазорати фарҳанги Ҷумҳурии Тоҷикистон изҳор доштанд, ки баргузории чунин падидаи хурсандибахш ба шарофати сиёсати дурандешонаи сарварони ду давлат — Ҷумҳурии Тоҷикистон ва Ҷумҳурии Корея, инчунин кӯшиши вазоратҳои фарҳанг баҳри ҳамкориҳои пурсамар имконпазир гаштааст.

Мақсади Кинофестивали Корея – ин таҳкими дӯстӣ байни ду кишвар, густариши робитаҳо ба хотири гулгулшукуфии фарҳанг, шиносоӣ бо санъати волои синамо ва ташаккули ҷаҳони маънавии ҳамзамонон арзёбӣ гардид.

Кинофестивали Корея – 2017 то 16-уми ноябр идома мекунад.