Маҳфили эҷодии Ҳунарпешаи Халқии Тоҷикистон Ғолиб Исломов

  • Театри Ҷавонон HD

 

Дар Театри давлатии ҷавонон ба номи М. Воҳидов ба ифтихори 50-солагии фаъолияти Ҳунарпешаи Халқии Тоҷикистон Ғолиб Исломов маҳфили эҷодӣ доир шуд. Дар ин маҳфили фарҳангӣ саҳнаҳо аз намоишҳои театрӣ ва порчаҳо аз филмҳо пешниҳод гардид. Бояд гуфт, ки Ғолиб Исломов аз рӯзи таъсисёбии Театри давлатии ҷавонони Тоҷикистон ба номи Маҳмудҷон Воҳидов (1971) то имрӯз дар ҳамин ҷо фаъолияти эҷодӣ намуда, қариб 100 нақши ҷолиб ва хотирмонро иҷро кардааст.

Паҳлӯи дигари фаъолияти ӯ ҳунарнамоӣ дар филмҳо мебошад. Давоми беш аз 50 соли фаъолияташ Ғолиб Исломов дар беш аз 60 филмнома нақш офаридааст.