Ҷамъбасти Фестивали «Синамо»

  • Синамо HD

 

Дар доираи тадбирҳои ҷашнӣ бахшида ба Соли ҷавонон ва ҳам дарёфти беҳтаринҳо дар ҷодаи синамову телевизион нахустин Фестивали телевизионии филмҳои мустанад “Симо” ҷамъбаст гардид. Фестивали мазкур бо ташаббуси Муассисаи давлатии Телевизиони “Синамо” баргузор гардида, дар он намояндагони киностудияҳо, телевизионҳо ва эҷодкорони мустақил иштирок ва бештар аз 50 филми ҳуҷҷатӣ ва барномаҳои телевизионии ба ин жанр наздикро пешниҳод карданд.

Аз 50 филми пешниҳодгардида ҳайати ҳакамони фестивал ҳамагӣ 40 номгӯи онро мавриди таҳлилу баррасӣ ва муҳокима қарор доданд ва дар асоси талаботи оинномавии фестивал 8 филмро сазовори ҷоиза донистанд. Ҳамчунин дар баробари ҷоизаҳои беҳтарини фестивал, ба коргардону муалифҳои филмҳои мустанади телевизионӣ “Дипломи махсуси фестивал” ва “Барои хизмати шоиста дар рушди синамо” тақдим гардид.