Ҷамъбасти озмуни «Иҷрокунандаи беҳтарин — 2017»

Дар Консерваторияи миллии Тоҷикистон ба номи Т. Сатторов бахшида ба Соли ҷавонон ҷамъбасти озмуни анъанавии «Иҷрокунандаи беҳтарини сол» баргузор гардид.

Ба иттилои Вазорати фарҳанги Ҷумҳурии Тоҷикистон дар барномаи консертӣ ғолибони озмуни мазкур, ки аксар донишҷӯёни Консерватория буданд, намунаҳои гуногуни осори классикиву муосири композиторони ватаниву хориҷиро манзури аҳли толор гардониданд.

Дар интиҳои чорабинӣ ба ғолибони озмуни “Иҷрокунандаи беҳтарин-2017” диплом ва мукофотҳо супорида шуд.

Шоҳҷоизаи озмун насиби Мирова Зебуннисо гардид, ки дар навозиши фортепиано беҳтарин дониста шуд. Инчунин Ғафурова Манижа лауреати ҷоизаи “Консертмейстери беҳтарин” ва Лутфулло Ансорӣ лауреати ҷоизаи иттифоқи композиторон гардиданд.