Намоишҳои идонаи Сирки давлатии Ӯзбекистон дар Душанбе

Бахшида ба ҷашни Соли нави милодӣ дар толори Сирки давлатии Тоҷикистон аввалин намоиши сиркии ҳунармандони Сирки давлатии Ҷумҳурии Ӯзбекистон баргузор гардид.

Ба иттилои Вазорати фарҳанги Ҷумҳурии Тоҷикистон ҳайати 16 нафараи Сирки Ӯзбекистон бо худ ҳайвонҳои гуногуни ромшуда, аз ҷумла маймунҳо, сагҳо, ламаҳо ва аспчаҳоро овардаанд. Ҳаводорони санъати сиркӣ метавонанд аз барномаҳои ҷолиби Сирки давлатии Ӯзбекистон тӯли як моҳ баҳра бардоранд.