Консерти идона бахшида ба Базми баҳори чинӣ

  • Базми баҳори чинӣ HD

 

Дар Театри давлатии академии опера ва балети ба номи Садриддин Айнӣ консерти идонаи Оркестри созҳои халқии Театри миллии опера, рақс ва драмаи хитоии «Роҳи абрешим» баргузор гардид.
Барномаи консертӣ таҳти унвони «Ганҷинаҳои миллӣ» ба Соли нави хитоӣ- Базми баҳор бахшида шудааст.

Оркестри созҳои халқии Театри миллии опера, рақс ва драмаи хитоӣ 50 сол инҷониб фаъолият мебарад ва дар дохил ва ҳам дар хориҷи Ҷумҳурии халқии Чин шуҳрати зиёд дорад. Оркестр тавонистааст, ки мусиқии анъанавии халқӣ ва мусиқии замонавии навро бо ҳам тавъам созад ва усули нотакрори худро офарад.
Барномаи ҳунарӣ аз ҷониби тамошобинон бо хушнудӣ истиқбол шуд.