Намоиши ҳунарҳои мардумӣ дар ноҳияи Тоҷикобод

Бахшида ба эълон гардидани соли 2018 ҳамчун Соли рушди сайёҳӣ ва ҳунарҳои мардумӣ дар ноҳияи Тоҷикобод намоиши ҳунарҳои мардумӣ доир гардид. Дар ин чорабинӣ аз тарафи ҳунармандони деҳаҳои ноҳия маҳсули эҷодии ҳунармандон,  иборат аз ҳунари нақшдӯзӣ, чакандӯзӣ гулдӯзию зардӯзӣ, ҳунари қаннодӣ ба маърази тамошо гузошта шуд.

Дар қисмати дувуми чорабинӣ дар мавзӯи «Ҳунарҳои мардумӣ — рукни муҳимтарини фарҳанги миллӣ» ҳамоиш баргузор гардид. Ширкатдорони ҳамоиш доир ба роҳу воситаҳои таъмини рушду пешрафти соҳаи сайёҳӣ ва ҳунарҳои мардумӣ ибрози назар карданд.