Вазъи шудгори тирамоҳӣ
24 октябр 2011 | Хонданд: 256 нафар | Кишоварзӣ
Бино ба маълумоти Раёсати растанипарварии Вазорати кишоварзӣ, соли ҷорӣ тибқи нақша дар масоҳати 187 ҳазору 353 гектар шудгори тирамоҳии ғалла, картошка ва сабзавоти барвақтӣ дар назар аст.
Душанбе, 24 октябр. - То 22 октябр ҳамагӣ дар масоҳати 42 ҳазору 110 гектар ё ба андозаи 22,5 фоизи нақша шудгори тирамоҳии замини ғалла ва сабзавоти барвақтӣ анҷом дода шудааст. Кишти тирамоҳӣ ҷамъан дар майдони 29 ҳазору 316 гектар анҷом ёфтааст, ки баробари 15 фоизи нақшаи пешбинишуда мебошад.
Дар назар аст, ки тирамоҳи соли ҷорӣ дар масоҳати 178 ҳазору 260 гектар ғалла кишт мешавад.
Тибқи маълумоти расмӣ дар айни ҳол дар масоҳати 23 ҳазору 700 гектар гандум ва дар майдони 361 гектар ҷав кишт шудааст. Шудгор ва кишти тирамоҳӣ дар ҳамаи минтақаҳои ҷумҳурӣ давом дорад.
