Дар хонаи рассомон бахшида ба Рӯзи байналмилалии сарфаи энергия намоишгоҳи расму суратҳои рассомон ва суратгирон ифтитоҳ шуд.
Душанбе, 14 ноябр. - Мувофиқи суханони раиси Иттифоқи рассомони суратгири Тоҷикистон, директори Ҷамъияти масъулияташ маҳдуди «Олами акоссӣ» Геннадий Ратушенко, номбурда дар ин намоишгоҳ маҳсули эҷодиёташ бахшида ба сарфаи энергияро ба маърази намоиш гузоштааст.
Ба гуфти Геннадий Ратушенко, масоили сарфаи энергия бояд таваҷҷӯҳи ҳар шахсро ба худ ҷалб намояд, зеро аксарияти мардум захираҳои энергияро истифода намуда вале баъзан сарфаи онро аз хотир мебароранд. Бинобар ин, мақсад аз ифтитоҳи намоишгоҳ ташвиқи сарфаи энергия ва истифодаи самарабахши он мебошад.
Бояд гуфт, ки дар мактабҳои пойтахт бахшида ба Рӯзи байналмилалии сарфаи энергия чорабиниҳо роҳандозӣ мешаванд, ки дар онҳо муаллимону шогирдон иштирок менамоянд.
