Таҷдид ва Рушд», инчунин Созишномаи кафолатии Ҳукумати Ҷумҳурии Тоҷикистон оид ба лоиҳаи «Беҳсозии системаҳои обтаъминкунии шаҳрҳои марказии Тоҷикистон» баргузор гардид.

Душанбе, 16 ноябр. (ТВ"Сафина" З.Каримов). - Ҳадафи лоиҳаи «Беҳсозии системаҳои обтаъминкунии шаҳрҳои марказии Тоҷикистон» ҷорӣ намудани хизматрасониҳои обтаъминкунӣ ва корезии шаҳрҳои марказии Тоҷикистон, аз ҷумла ноҳияҳои Ҳисор, Рўдакӣ ва Турсунзода мебошад. Арзиши умумии лоиҳа 12,2 миллион доллари амрикоӣ ва 6 миллион евроро ташкил медиҳад, ки аз он 7,0 миллион доллар қарзи Бонки Аврупоии Таҷдид ва Рушд мебошад.

Инчунин аз ҷониби Фонди Махсуси Саҳҳомии Бонки Аврупоии Таҷдид ва Рушд ва Фонди Инвеститсионии Осиёи Марказӣ маблағгузории иловагии грантӣ пешбинӣ шудааст.

Лоиҳаи мазкур то 31 феврали соли 2015 татбиқ хоҳад шуд. Созишномаи кафолатиро Вазири молияи Ҷумҳурии Тоҷикистон Сафаралӣ Наҷмиддинов ва Муовини Директори Шўъбаи инфраструктураи мунитсипалӣ ва экологии Бонки Аврупоии Таҷдид ва Рушд дар Ҷумҳурии Тоҷикистон хонум Лин О Греди, Созишномаи қарзиро бошад Директори генералии Корхонаи Воҳиди Давлатии «Хоҷагии Манзилию Коммуналӣ» ва Муовини Директори Шўъбаи инфраструктураи мунитсипалӣ ва экологии Бонки Аврупоии Таҷдид ва Рушд дар Ҷумҳурии Тоҷикистон хонум Лин О Греди ба имзо расониданд.