ва ноустувории нишондиҳандаҳои молиявӣ боиси афзудани фишорҳои тавварумӣ дар кишвар гардида, то андозае ба раванди рушди иқтисодиёти ҷумҳурӣ таъсир расонид.

Душанбе, 10 январ. (ТВ "Сафина", З.Ҷавакова) - Дар ин бора маъсулини Бонки миллӣ дар нишасти матбуотиашон оид ба натиҷаҳои соли 2011 хабар доданд.

Гуфта шуд, ки дар ҳамин давра Маҷмўи маҳсулоти дохилӣ ба 30,1 фоиз баробар шуда, рушди воқеии он нисбат ба соли қаблӣ 7,3 фоизро ташкил дод. Қурби сомонӣ бошад, нисбати доллари амрико 8,1 фоиз ва рубли русӣ 0,6 фоиз паст гардид. Дар ҳамин робита масъулини бонк иттилоъ доданд, ки сабаби асосии таъғирёбии қурби сомонӣ асосан аз ҳисоби болоравии нархҳои маҳсулоти асосии воридотӣ аз ҷумла нафт, орд ва гандум ба амал омад ва ин дар навбати худ сабабгори бештар аз ду маротиба афзоиш ёфтани талабот ба асъори хориҷӣ дар бозори дохилии асъор шуд.

Таъкид рафт, ки дар соли гузашта афзоиши пасандозҳо ба 3,9 миллиард сомонӣ расидааст, ки ин нишондиҳанда 21 фоизро ташкил медиҳад. Пасандозҳои шахсони воқеӣ низ дар ин давра 41,9 фоиз зиёд гардида, ба 2,2 миллиард сомонӣ расид.

Ҳамчунин дар ҷараёни нишаст масъулини бонки Миллӣ доир ба дигар паҳлўҳои фаъолият ва корҳои анҷомдодаашон дар назди рўзноманигорон маълумот доданд.