Мӯъминобод, 24 декабр. - Шарифамоҳ Мирзоева, мудири шӯъба вобаста ба ин мавзӯъ гуфт, ки дар ин чорабинӣ 6 нафар навхонадорон ба шаҳодатномаи никоҳ ва тӯҳфаҳои хотиравӣ , 20 нафар кӯдак ба шаҳодатномаи таваллуд бо таври ройгон , ба 10 нафар пиронсолони рӯзғордида туҳфаҳои хотиравӣ аз тарафи намояндагони ҳукумати ноҳия ва аъзои ҳакамони вилояти Хатлон тақдим гардиданд. Ба гуфтаи ин манбаъ сабти асноди ҳолати шаҳрвандӣ дар аввал расмӣ гузаронида намешуд, баъди ҷо ба ҷо шудани қонуни расму оинҳо ин амал расми гузаронида мешавад. Мавриди зикр аст, ки шӯъбаи мазкур дар давоми 11 моҳи соли ҷорӣ 1346 ақди никоҳ, 1589 таваллуд, 246 вафот ва 26 нафар дар асоси ҳалномаи суд азнавбарқароркунӣ ба қайд гирифтааст. Гуфта мешавад, шуъбаи сабти ҳолати шахрвандии ноҳия дар якҷояги бо кумитаи занон ва оилаи ноҳия соле як маротиба «Рӯзҳои иди оила» мегузаронанд.