Дар доираи нашқа-чорабиниҳои Вазорати маориф ва шўъбаи маорифи Дастгоҳи иҷроияи Президент оид ба гузаронидани сўҳбату вохўриҳо дар Донишгоҳу Донишкадаҳо
ва мактабҳои таълимоти умумии ҷумҳурӣ, ин навбат дар Донишгоҳи миллии Тоҷикистон вохўрии муовини сарвазир Руқия Қурбонова ва вазири маорифи Ҷумҳурӣ Абдуҷаббор Раҳмонов бо устодону донишҷўён ва толибилмони литсеи донишгоҳ баргузор гардид.
Тавре зикр ёфт, мақсад аз ин мулоқотҳо ин бохабар шудан аз ҳолу аҳволи донишҷўён ва таъмини шароити хубу бартараф кардани камбудиҳои ҷойдошта буд, Вазири маорифи кишвар бошад дар баромадаш тамоми марҳилаҳои соҳаи маорифро шарҳ дода, таъкид намуд, ки яке аз мақсадҳои асосии вазорат ин дуруст ба роҳ мондани низоми таълимӣ, таъмиру азнавсозии мактабҳо ва таъмини онҳо бо китобҳои дарсӣ мебошад, ки ин давра ба давра амалӣ мегардад.
Дар навбати худ донишҷўён дар як муҳлати кутоҳ дуюмин маротиба, ташрифи намояндагони ҳукумат ва вазорати маорифро ба донишгоҳашон ба таваҷўҳи бевоситаи масъулини соҳа нисбат дода, чунин вохўриҳоро дар ҷараёни таҳсил имконияти хуби ифшои камбудиҳояшон арзёбӣ карданд.
М. Ҳусейнов
22/12/2011
