Дар сурати то 15-уми июн аз ҷониби Тоҷикистон пардохт нагардидани маблағи қарз барои истифодаи газ, ширкати «Узтрансгаз» интиқоли онро ба ҷумҳурӣ пурра қатъ карданист.
Муаллиф: Виктория НаумоваДушанбе. 11-уми июн. ОИ «Азия-Плюс» - Дар сурати то 15-уми июн аз ҷониби Тоҷикистон пардохт нагардидани маблағи қарз барои истифодаи газ, ширкати «Узтрансгаз» интиқоли онро ба ҷумҳурӣ пурра қатъ карданист.
Чӣ тавре ки ба ОИ «Азия-Плюс» аз ҶСК «Тоҷиктрансгаз» иттилоъ доданд, ҷониби Ӯзбекистон дар ин хусус онҳоро борҳо огоҳ кардааст ва чанде қабл ба корхона аз ширкати «Узтрансгаз» барқияи телефонӣ расидааст, ки дар он гуфта шудааст, агар то 15-уми июн 17,5 млн. $ маблағи қарз пардохта нашавад, худи ҳамон рӯз воридоти газ қатъ мегардад. «Мо баҳри пардохти қарз маблағ надорем, зеро қарзи худи мо пардохта намешавад», - гуфт манбаъ.
Бино ба иттилои манбаъ, айни замон ширкати «Барқи тоҷик» ба маблағи 10 млн. $, «корхонаи «Тоҷиксемент» - 2 млн. $ ва «Сомонсуғдгаз» низ 2 млн. $ аз корхонаи «Тоҷиктрансгаз» қарздор мебошанд.
Тибқи маълумоти ҶСК «Тоҷиктрансгаз», айни замон ҳаҷми воридоти гази Ӯзбекистон ба ҷумҳурӣ тақрибан 18 ҳазор метри мукааб дар як соатро ташкил медиҳад.
