05.05.2016 11:49

Идораи барномаҳои иттилоотӣ-таҳлилии “Навид” дар сохтори Муассисаи давлатии “Телевизиони Сафина” яке шуъбаҳои асосӣ ба ҳисоб меравад. Ҳамарӯза аз ҳисоби ин идора 6 маротиба — дар соатҳои 8-и субҳ, 10, 13(англисӣ), 15, 18(русӣ) ва 20,  нашрҳои хабарӣ бо се забон-тоҷикӣ, русӣ ва англисӣ таҳия ва пешниҳоди мардум карда мешавад. Ҳаҷми барномаҳои рӯзонаи мо то 20 дақиқа идома ёфта, кормандони идора аслан дар мавзуъҳои фарҳангӣ ва иҷтимоию иқтисодӣ гузоришҳо таҳия менамоянд. Барномаи шомгоҳии “Навид” (дар соати 20.00) як соат идома меёбад ва як навъ хусусияти ҷамъбастӣ дорад. Зеро муҳимтарин хабару рӯйдодҳои рӯз дар он натиҷагирӣ карда мешавад. Дар Идораи барномаҳои иттилоотӣ-таҳлилии “Навид” ба ғайр аз сармуҳаррир Маҳмадёқуб Зокиров, ҳамчунин боз 12 муҳаррири ботаҷриба, аз ҷумла Зубайдулло Каримов-муовини сармуҳаррир, Заррина Ҷавакова, Манучеҳр Дилёбшоев, Озодамоҳи Раҳматулло, Саидраҳмон Ҳабибов, Саъдӣ Раҷабализода, дар шуъбаи “Новости” Вамариҷ Муродов-мудири шуъба, Замира Ҷомуддинова, Шаҳноза Абдуваҳҳобова, Муниса Аблакулова, дар шуъбаи англисӣ Шоҳрухи Нуралӣ, Ханна Дакара ва Амина Гуламадшоева фаъолияти пурсамар доранд. Ба изофаи барномаҳои нақшавӣ, ҳамчунин кормандони идораи мо ҳамарӯза то 5 маротиба ахбори муҳимтарини хориҷи кишварро дар барномаи “Хабари соат” дар ҳаҷми то 3 дақиқа ва шомгоҳон дар “Хабари рӯз” (аз 7 то 10 дақиқа) таҳия ва манзури бинандагон мегардонанд. Наттоқони барномаҳои иттилоотӣ-Дилафрӯз Комилова, Дилафрӯз Давлатова, Рухшона Солиева, Мавҷигул Сайфуллоева, Ҷамшед Олимов, Нуралӣ Шоҳқурбонов, ҳамчунин Наргис Қосимова ва Таҳмина Раҷабова дар барномаҳои русӣ ва Шоҳрухи Нуралӣ дар барномаҳои англисӣ, барои сайқал додани маҳорати касбиашон кӯшиш менамоянд. Намояндагиҳои МД “Телевизиони Сафина” дар ҳашт минтақаи ҷумҳурӣ, аз ҷумла дар Вилояти Мухтори Кӯҳистони Бадахшон, Вилояти Суғд, минтақаи Қӯрғонтеппаи вилояти Хатлон, минтақаи Кӯлоб, ноҳияи Восеъ,  шаҳри Исфараи вилояти Суғд, Водии Рашт ва Водии Ҳисор ҳамарӯза аз ҳаёти фарҳангӣ ва иҷтимоию иқтисодии ҳамаи гӯшаҳои Тоҷикистон гузоришҳо таҳия мекунанд.  Муҳимтарин рӯйдодҳои ҳафта ва гузоришҳои таҳлилии кормандони идораи мо ҳам аз марказ ва ҳам аз ҳашт минтақаи ҷумҳурӣ ҳар ҳафта рӯзҳои якшанбе дар барномаи таҳлилии “Ҷамъбасти ҳафта”, ки муаллифи он Зубайдулло Каримов мебошад, дар соати 20.00 дар эфир пахш мегардад.  Пахши барномаҳои иттилоотӣ аз моҳи декабри соли 2015 дар формати HD роҳандозӣ шудааст ва ин имкон медиҳад, ки сатҳу сифати барномаҳои мо боз ҳам беҳтар шавад.

Барномаҳо

Гимн
24 апрел 06:00
Субҳ ба хайр Тоҷикистон!
24 апрел 06:05
Навид
24 апрел 20:00