Дар шаҳри Душанбе бо ибтикори Ассосиатсияи энергетикҳои Тоҷикистон зери унвони «Пешрафти низоми самарабахши идора ва густариши иштироки ҷомеа дар бахши элетроэнергетикаи Тоҷикистон» Конфронс баргузор шуд.
Душанбе, 25 ноябр. (ТВ "Сафина", З. Каримов) - Дар он намояндагони Дастгоҳи иҷроияи Президенти Ҷумҳурии Тоҷикистон, Парлумони кишвар, Шўрои ҷамъиятии Тоҷикистон ва дигар сохторҳои марбутаи давлативу истеҳсолкунандагони инфиродӣ ширкат варзиданд.
Таъкид шуд, ки барои татбиқи сиёсати энергетикӣ ҷиҳати таъмини мустақилияти комили ин бахш, ки стратегияи давлатӣ маҳсуб мешавад, тамоми заминаҳои ҳуқуқӣ-меъёрӣ фароҳам оварда шудааст.
Охирин санади муфиди соҳавӣ, ки дар парлумони мамлакат баррасиаш идома дорад, ин таҷдиди сохтори Ширкати саҳомии холдингии кушодаи «Барқи тоҷик» барои давраи солҳои 2011-2018 мебошад. Дар самти алоқамандии ҷомеа дар бахши энергетика нақши Шўрои ҷамъиятии Тоҷикистон муаасир маънидод шуд.
Масъалаҳои муҳимияти объективии дубора эҳёсозии соҳаи электроэнергетикаи Тоҷикистон ва татбиқи он, тавсеаи иштироки ҷомеа дар қабули қарорҳо дар бахши энергетика ва старатегияи фосилавӣ оид ба манбаъҳои барқароршавандаи энергия барои ҳамгироии рушди хоҷагии халқ, аз мавзўъҳои меҳварии Конфронс буд.
