Душанбе, 11 октябр. (ТВ «Сафина», М. Ҳусейнов). –Дар ҳамоиш табибону коршиносони соҳа доир ба паҳлўҳои гуногуни ин беморӣ ибрози назар карданд. Мақсад аз элон намудани рўзи байналмилалии Бемориҳои равонӣ пеш аз ҳама ба дастгирии ҳамаҷонибаи беморони рўҳӣ, паст кардани сатҳи гирифторӣ ба ин беморӣ ва омўзиши ҷанбаҳои пайдоиши он равона шудааст. Бо зикри ин нукта коршиносони соҳа иттилоъ доданд, ки ҳамасола дар ҷаҳон тақрибан 500 милион нафар аз ин беморӣ азият мекашанд. Яке аз проблемаҳои асосӣ дар ин самт муроҷиат накардани мардум ба табибони равоншинос унвон шуд ва таъкид гардид, ки бояд беморхонаҳои ҷумҳуриявӣ усулҳои нави табобатро ба роҳ монанд.

Дар охир рўзноманигорон доир ба омода намудани табибони ҷавон, роҳҳои табобат ва маводҳои доруворӣ бо масъулин суолу ҷавоб намуданд.