Душанбе, 23 май. - Даври мазкур бо ташаббуси Муассисаи наҷоти атфоли СММ, Ташкилоти байналмилалии тандурустӣ ва Вазорати тандурустии ҶТ ташкил гардидааст. Мақсад аз баргузории он пешгирии паҳншавии ин беморӣ ва нигоҳ доштани ҳаёт ва тақдири ҳазорҳо кўдак аз хатари сирояти он дар тамоми кишвар мебошад.

Дар ҷараёни давр, ки аз 23 то 27 май гузаронида мешавад, 1 миллиону 100 нафар кўдаки то панҷсола дар тамоми муассисањои томактабӣ ва дармонгоҳҳои ҷойи истиқомат эм гузаронида мешавад. Бо ин мақсад ба минтақаҳои дурдасти кишвар гурўҳҳои махсуси мобилӣ сафар менамоянд.

Зикр кардан бамаврид аст, ки пас аз 13 сол ин бемории даҳшатнок бори дигар дар кишвари мо хурӯҷ намуд.

Соли 2010 дар Тоҷикистон 458 ходисаи фалаљ ба таври расмӣ ба қайд гирифта шуд. Баъд аз санаи 4 июли соли 2010 дар ҷумҳурӣ ягон бемори гирифтори фалаҷ муайян нагардидааст.

Фалаҷ бемории хатарноки сироятӣ буда, он метавонад аз шалшавии дасту пой то ба ҳалокат оварда расонад.