Рушди иқтисоди миллӣ дар соли 2011 тамоюли устувор дошта, дар давоми сол суръати мусбати инкишофи маҷмўъи маҳсулоти дохилӣ нигоҳ дошта шудааст.
Душанбе, 25 январ. (ТВ "Сафина", Муродов В.) - Ин нуқта дар нишасти матбуотии Вазорати рушди иқтисод ва савдои Ҷумҳурии Тоҷикистон баён шуд.
Зикр гардид, ки маҷмўъи маҳсулоти дохилии ҷумҳурӣ дар ин давра 30, 1 миллард сомониро ташкил дод, ки нисбат ба соли 2010 5,4 миллиард сомонӣ зиёд мебошад. Соли сипаришуда дар кишвар 30 адад нерўгоҳи хурди барқӣ бо иқтидорҳои аз 15 то 4 ҳазору 300 киловат сохта ба истифода дода шудааст.
Дар нишасти матбуотӣ, инчунин қайд гардид, ки дар ин сол нақшаи истеҳсолӣ дар соҳаҳои қаннодӣ, нўшокиҳои ташнагишикан, оби ҷав, равғани растанӣ, истеҳсоли намак иҷро гардида, сифати маҳсулот беҳтар карда шуд. Муомилоти савдои хориҷии ҷумҳурӣ бо зиёда аз 70 мамолик сурат гирифт. Воридоти мол дар соли 2011 асосан аз Федератсияи Россия, Чин ва Эрон амалӣ шуд.
