лоиҳаҳои як қатор қонун ва қарорҳои муҳимро баррасӣ карданд.
Душанбе, 30 январ. (ТВ "Сафина", З. Каримов) - Дар ҷаласаи Шўро лоиҳаҳои қонунҳои Ҷумҳурии Тоҷикистон «Оид ба ворид намудани тағйирот ба Конуни Ҷумҳурии Тоҷикистон «Дар бораи системаи иҷрои ҷазои ҷиноятӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи экспертизаи давлатии судӣ», «Дар бораи ворид намудани тағйирот ба Кодекси ҳуқуқвайронкунии маъмурии Ҷумҳурии Тоҷикистон», «Дар бораи ворид намудани тағйирот ба Кодекси иҷрои ҷазои ҷиноятии Ҷумҳурии Тоҷикистон» ва «Оид ба ворид намудани иловаҳо ба Қонуни Ҷумҳурии Тоҷикистон «Дар бораи яроқ» мавриди баррасӣ қарор гирифтанд.
Масъалаҳои дигаре, ки аз тарафи аъзои Шўрои Маҷлиси намояндагон баррасӣ шуданд, Созишнома байни Ҳукумати Ҷумҳурии Тоҷикистон ва Ҳукумати Герсогии Бузурги Люксембург оид ба алоқаи ҳавоӣ, Дар бораи даъват кардани ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон даъвати чорум ва лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон «Дар бораи рўзномаи ҷаласаи навбатии иҷлосияи сеюми Маљлиси намояндагони Маҷлиси Олии Ҷумҳурии Тоҷикистон даъвати чорум» буданд.
Аз рўи масъалаҳои баррасишуда раисони кумитаҳои Маҷлиси намояндагон ва дигар аъзои Шўро суханронӣ карда, пешниҳоди масъалаҳои номбурдаро ба ҷаласаи навбатии Шўрои Маҷлиси намояндагон талаботи замон хонда ва ворид намудани тағйирот ба лоиҳаҳои қонунҳои мазкурро барои беҳбудии вазъи рўзгори аҳолии мамлакат мусоидат унвон намуданд.