Ярмаркаи ҷойҳои кории холӣ дар Шўрообод
2 феврал 2012 | Хонданд: 154 нафар | Ҷамъият
Агентии давлатии ҳифзи иҷтимоӣ, шуғли аҷолӣ ва муҳоҷират дар ноҳияи Шўроободи вилояти Хатлон, дар маркази ноҳия ярмаркаи навбатии ҷойҳои кори холӣ баргузор намуд.
Душанбе, 2 феврал. (ТВ "Сафина", М. Зокиров) - Дар ярмарка 15 муассисаи ноҳиявӣ бештар аз 300 ҷойи кори нав пешниҳод намуданд. Шурўъ аз оғози соли 2011 ин маротибаи 11-ум аст, ки дар ин ноҳияи баландкўҳи кўҳистонӣ ярмаркаи ҷойи кор ташкил карда мешавад. Ба маълумоти масъулини соҳа то ин муддат тавассути ярмаркаҳо 500 нафар аз аҳолии маҳаллӣ бо ҷойи кори доимӣ таъмин карда шудаанд. Дар ярмаркаи охирин 40 нафари дигар соҳиби ҷойи кор шуданд.
Ҳамчунин ба хотири соҳибкасб намудани сокинони ноҳия, махсусан занону духтарон, дар маркази ноҳия курсҳои кўтоҳмуддати дўзандагӣ ташкил карда шудааст, кидар он аллакай 15 нафар духтарони маҳаллӣ таҳсил карда, соҳиби касб гардиданд. Барои таъмин намудани соҳибкасбон бо ҷойи кор дар маркази ноҳия корхонаи хурди дўзандагӣ низ ташкил карда шудааст.
