Душанбе, 19 январ. - Рақамҳои дар ҷаласаи мушовара овардашуда далели он аст, ки соҳаи кишоварзӣ сол то сол рушд намуда, ба натиҷаҳои назаррас ноил мегардад.
- Дар соли 2009 ҳаҷми умумии истеҳсоли маҳсулоти кишоварзӣ ба 7 млрд. 903,4 млн. сомонӣ расонида шуда, нисбат ба соли 2008 ба андозаи 96.1 млн. сомонӣ зиёд маҳсулот ба даст оварда шудааст.
Ба душвориҳо нигоҳ накарда, соли 2009 истеҳсоли ғалла ба 1 млн. 294 ҳазору 679 тонна, сабзавот – 104762, полезӣ - 424294, картошка – 690914, ангур -138473 тонна расонида шуд,-иброз дошт муовини аввали вазири кишоварзӣ Раҳмоналӣ Амиров.
- Ин дастовардҳо ҳадди охир нест, соли ҷорӣ нияти боз ҳам зиёд кардани ҳосилнокии меваю зироатро аз ҳар гектар ба нақша дорем,- афзуд Р. Амиров.