Хоруғ, 26 ноябр. - Ҳоло дар ҳар як ноҳияи вилоят ду-се чунин марказҳо фаъолият менамоянд. Шаш сол қабл дар назди мактаби рақами 21-и ноҳияи Ишкошим низ чунин марказ таъсис дода шуд. Садри марказ Қамбар Муллоев дар сӯҳбат иброз дошт, ки имрӯз барои ҳар як ҷавон донистани забонҳои инглисиву русӣ чун обу ҳаво зарур аст. Қамбар Муллоев гуфт, ки натиҷаи баланди корам дар он аст, ки бо Донишкадаи такмили ихтисоси омӯзгорони ВМКБ ҳамкорӣ дорам ва кулли маводи таълимию методиро аз он ҷо дастрас менамоям. Дар ин муддат таи 120 нафар наврасон дар марказ таълим гирифта, аксарияти онҳо дар факултаҳои англисию русии Донишгоҳҳои гуногун таҳсил менамоянд.