Рӯзҳои 1 ва 2 декабр дар шаҳри Афина маҷлиси 17 –уми Шӯрои вазирони корҳои хориҷии мамлакатҳои аъзои Созмони амнияту ҳамкории Аврупо баргузор мегардад.
Маскав, 1 декабр. - Бо даъвати раиси ҳозираи созмон, сарвазир ва вазири корҳои хориҷии Ҷумҳурии Юнон Георгиос Папандреу дар маҷлиси мазкур Муншии умумии Созмони аҳдномаи амнияти дастаҷамъӣ Николай Бордюжа ширкат меварзад.
Дар маҷлис маҷмӯи масъалаҳои марбут ба ҳамкории ҳарбию сиёсӣ, иқтисодӣ, экологӣ ва гуманитарии мамлакатҳои аъзои созмон муҳокима карда мешаванд.
Изҳороти мамлакатҳои аъзои Созмони аҳдномаи амнияти дастаҷамъӣ ба тарафдории ташаббуси Президенти Федератсияи Русия дар бораи таҳияи Созишномаи таъмини амнияти Аврупо ва давлатҳои аъзои созмон дар бораи таҳияи лоиҳаи эъломияи вазирон дар бораи таҷлили 65 – солагии анҷом ёфтани Ҷанги дуюми ҷаҳон барои муҳокима пешниҳод карда хоҳанд шуд. Ҳадафи эъломия абадӣ гардонидани хотираи иштирокчиёни ҷанг ва пешгирӣ намудани кӯшишҳои таҳрифи рӯйдодҳои таърихӣ мебошад.
