Дирӯз дар қитъаи Осиё вохӯриҳои нимниҳоии ҷоми конфедератсияи футболи Осиё доир шуданд.
Душанбе, 19 октябр. - «Насаф»- и Ӯзбекистон дар вохӯрии дуввуми баргашт бо дастаи «Ал-ваҳдат» дар варзишгоҳи байналмилалии шоҳ Абдуллоҳи кишвари Урдун вохӯрда, бозиро бо ҳисоби 1 бар 1 ба анҷом расонид ва ба бозии ниҳоӣ роҳ ёфт. Дар бозии ҷуфти дуввум клуби ҳарбии «Кувайт» низ вохӯриашро бо дастаи «Арбил»- Ироқ бо ҳисоби мусовии 3 бар 3 ҷамъбаст карда, ба бозии финалӣ роҳхат гирифт. Дар шаҳри Арбил дастаи «Кувайт» дар бозии аввал бо ҳисоби 2 бар 0 мизбононро шикаст дода буд. Дар се соли охир ин дуввумин комёбии футболбозони «Кувайт» дар мусобиқаи ҷоми AFC аст.
Шоми имрӯз дар вохӯриҳои нимниҳоии ҷоми қаҳрамонҳои Осиё « Ал-Садд»- и Қатар бо «Сувон Самсунг Бловинс», «Чонбук Ҳундай Моторс» бо «Ал-Иттиҳод» -и Арабистони Саудӣ ба дидори ҳам мераванд.
