Дар ҷараёни он натиҷаҳои рушди иҷтимоию иқтисодии кишвар дар соли 2009 мавриди таҳлилу баррасӣ қарор гирифта, вазифаҳо барои соли равон муайяну мушаххас мешаванд.
Дар маҷлиси васеи Ҳукумати Ҷумҳурии Тоҷикистон аъзои ҳукумат, роҳбарони сохторҳои давлатии назди Президенти Ҷумҳурии Тоҷикистон ва ҳукумати мамлакат, корхонаю муассисаҳо ва ширкатҳои давлатӣ, бонкҳои саҳҳомӣ, марказҳои татбиқи лоиҳаҳои инвеститсионӣ, мактабҳои олӣ ва раисони вилоятҳо ва шаҳру ноҳияҳо иштирок доранд.

Дар рафти маҷлис, ки ду рўз идома хоҳад ёфт, ҳисоботи роҳбарони тамоми мақомоти давлатии мазкур шунида мешавад ва оид ба бартараф намудани камбудию норасоиҳои ҷойдошта чораҳои зарурӣ андешида мешаванд.
Дар оѓози маҷлис оид ба натиҷаҳои рушди иҷтимоӣ-иқтисодӣ дар соли 2009 гузориши Вазири рушди иқтисод ва савдо Фарух Ҳамралиев шунида шуд.
Сарвари давлат Эмомалӣ Раҳмон дастур дод, ки баҳри зиёд намудани ҳиссаи иқтисоди воқеӣ (истеҳсолот) дар маҷмўи маҳсулоти дохилӣ ва ҳамчунин содда гардонидани расмиёти воридоту содироти маҳсулот тадбирҳои муассир андешида шаванд.