11 майи соли ҷорӣ дар Филармонияи давлатии Тоҷикистон, бахшида ба Рӯзи Шашмақом, ки ҳамасола 12 май дар саросари кишвар ҷашн гирифта мешавад, барномаи ҳунарии ансамбли Шашмақоми Филармония зери унвони “Шоми Шашмақом” баргузор гардид.
Дар барномаи ҳунарӣ силсилаи мақоми Наво, ки бори аввал дар таърихи Филармония садо дод, зери роҳбарии Ҷамшед Эргашев, аз ҷониби ҳунармандони шашмақомсарои муассиса Хурсандмурод Зарифов, Маҳина Маҳмудова, Фирдавс Неъматов, Мижгона Иброҳимова, Шоҳсанам Юсуфова, Зоиршо Ҳайдаров ва дигарон пешкаши ҳаводорону тамошобинони ин мусиқии асил гардид.