Дар Театри мусиқӣ-мазҳакавии шаҳри Хоруғ намоиши «Лаъли Бадахшон» манзури тамошобинон гардид

Ҳунармандони Театри мусиқӣ-мазҳакавии шаҳри Хоруғ ба номи Меҳрубон Назаров бахшида ба 30-юмин солгарди Истиқлоли давлатӣ намоиши “Лаъли Бадахшон”-ро ба саҳна гузоштанд. Асарро  драматург Ҷумъа Қуддус эҷод карда, коргардони Театри мусиқӣ-мазҳакавии шаҳри Хоруғ Умед Хисрав онро ба саҳна гузоштааст.

Ҳунармандони театр тасмим доранд, ки асари мазкурро дар Озмуни театрҳои касбии “Парасту” ба намоиш гузоранд ва дар остонаи ҷашни 30-юмин солгарди Истиқлоли давлатии Ҷумҳурии Тоҷикистон онро манзури тамошобинони пойтахти кишвар-шаҳри Душанбе гардонанд.