14-уми сентябри соли 2022 Суди Олии Федератсияи Русия бо даъвои Прокуратураи генералии Федератсияи Русия Ташкилоти террористию экстремистии Ҳизби наҳзати исломро ташкилоти террористӣ эътироф намуд.
Ёдовар мешавем, ки қаблан Прокурори генералии Федератсияи Русия Игор Краснов хабар дода буд, ки Прокуратураи генералии Федератсияи Русия барои террористӣ эътироф намудани Ҳизби наҳзати ислом ба Суди Олии Федератсияи Русия даъво пешниҳод кардааст.
Таъкид кардан ба маврид аст, ки Суди Олии Тоҷикистон соли 2015 бо даъвои Прокуратураи генералии Ҷумҳурии Тоҷикистон Ҳизби наҳзати исломро террористию экстремистӣ эътироф намуда, фаъолияти онро дар қаламрави Тоҷикистон мамнуъ эълон карда буд. Илова бар ин, Ҳизби наҳзати ислом ба феҳристи ташкилоти террористии Сохтори минтақавии зиддитеррористии Созмони Ҳамкории Шанхай ворид карда шудааст.