Фаъолияти ҳайати эҷодиву техникии Муассисаи давлатии «Телевизиони Сафина» дар соли 2024 ба тарғибу ташвиқи сиёсати давлату Ҳукумати Ҷумҳурии Тоҷикистон, бахусус дар соҳаи фарҳанг равона гардида буд. Ин матлабро директори муассиса Садриддин Шамсуддинзода имрӯз зимни нишасти матбуотӣ ба хабарнигорон баён намуд.
Дар давраи ҳисоботӣ Муассисаи давлатии “Телевизиони Сафина” 58 барнома (аз ин 7 барномаи нав)-ро бо теъдоди умумии 3982 шумора мунтазам дар жанрҳои гуногун таҳия ва пешниҳоди бинандагон намуд, ки дар маҷмӯъ 6480 соат вақти эфирро ташкил медиҳад. Дар давоми соли 2024 1780 нашри барномаҳои иттилоотӣ бо давомнокии 530 соат пахши мустақим рӯи эфир омад. Дар ин давра дар муассиса 37 филми телевизионӣ ва 18 адад филми ҳуҷҷатӣ таҳия гардид.
Дар баробари инъикоси ҳаёти фарҳангиву мадании ҷумҳурӣ вобаста ба тарбияи ватандӯстию ватанпарастӣ, масъулият барои таълиму тарбияи кӯдак, танзими ҷашну маросим, тарғиби тарзи ҳаёти солим, сифати таълим, истифодаи сарфакоронаи неруи барқ, рушди саноат, фаъолияти корхонаҳои истеҳсолӣ, мақоми зан дар ҷомеа, такмили ихтисос ва омода кардани кадрҳои болаёқат барномаҳои телевизионӣ дар жанрҳои гуногун таҳия ва пахш гардиданд.
Бахшида ба Рӯзи Истиқлолияти давлатии Ҷумҳурии Тоҷикистон бештар аз 20 барномаи телевизионӣ таҳия ва манзури бинандагон карда шуд. Ҷараёни ободкориҳои мардум, аз ҷумла, бунёди иншооти ҷашнӣ дар ҳамаи шаҳру ноҳияҳо, таъмиру тармими роҳ ва гулгашту хиёбонҳо, баргузории аксияву дигар тадбирҳои экологӣ ба муносибати ҷашни 35-солагии Истиқлоли давлатӣ асоси барномаҳои иттилоотии Муассисаро дар соли 2024 ташкил дод. Ҳамарӯза дар 6 нашри хабарӣ кормандони идораи барномаҳои иттилоотию таҳлилӣ дар якҷоягӣ бо хабарнигорони минтақавӣ ҷараёни омодагии сокинони кишвар ба ҷашнҳои зикршударо инъикос намуданд. Маҷмуан дар давоми соли 2024 аз ҷараёни баистифодадиҳӣ ва идомаи сохтмон дар иншооти ҷашнӣ дар шаҳру ноҳияҳои мамлакат бештар аз 170 гузориш таҳия ва пахш карда шуд. Ҳамчунин вобаста ба ташаббускориҳои сокинони гӯшаҳои алоҳидаи мамлакат ҷиҳати таъмиру тармими роҳҳои маҳаллӣ тақрибан 70 гузориш таҳия гардид. Таъмиру таҷдид ва мумфаршкунии роҳ дар чанд ҷамоати шаҳрҳои Исфараву Конибодом, Левакант, Кӯлоб, Бохтар, Турсунзодаву Ҳисор, ноҳияҳои Восеъ, Ховалинг, Балҷувон, Рашту Тоҷикобод ва Лахш чанде аз ин буд. Ҳамчунин кормандони идора аз шаҳру ноҳияҳои мамлакат дар мавзуи ҷамъоварии ҳосил, кишти такрорӣ ва умуман истифодаи мақсадноки замин бештар аз 130 гузориш таҳия ва манзури бинандагон гардониданд.
Дар ин давра аз ҷараёни баргузории ҳамоишҳо вобаста ба Соли маърифати ҳуқуқӣ кормандони идораи барномаҳои иттилоотӣ – таҳлилӣ бештар аз 70 гузориш омода ва пахш карданд.
Ҷараёни омодагӣ ба давраи тирамоҳу зимистони солҳои 2024-2025, сарфакорона истифода бурдани неруи барқ, ҷараёни корҳои саҳроӣ дар хоҷагиҳои мамлакат, сатҳу сифати таълиму тарбия дар муассисаҳои таҳсилоти миёнаи умумӣ ва касбӣ ва дигар паҳлуҳои ҳаёти мардум низ дар давоми сол бозтоби худро пайдо карданд.
Нуктаи дигар низ боиси зикр аст, ки вобаста ба дастури Пешвои миллат муҳтарам Эмомалӣ Раҳмон масъалаи ба таълими томактабӣ фаро гирифтани кӯдакон дар ин давра аз ҷониби кормандони идораи барномаҳои иттилоотӣ пайгирии амиқ пайдо кард.
Инъикоси ҷараёни баргузории даври сеюми озмунҳои ҷумҳуриявии “Фурӯғи субҳи доноӣ китоб аст”, “Илм фурӯғи маърифат”, ҳамчунин дар интиҳои моҳи сентябр Озмуни ҷумҳуриявии “Беҳтарин хонандаи асарҳои Пешвои миллат” аз самти дигари фаъолияти идораи барномаҳои иттилоотии муассиса дар давоми соли 2024 буд.
Дар барномаҳои иттилоотии Муассисаи давлатии “Телевизиони Сафина” ҷараёни чорабиниҳои ҷумҳуриявӣ ва байналмилалӣ доир ба масъалаҳои муқовимат ба экстремизм ва терроризм мунтазам инъикос мегардад. Мавзуи муқовимат ба экстремизм ва терроризм дар чор нашри барномаи “Инсон ва ҳуқуқ” (муаллиф Ҳасан Таҳмина), 2 нашри барномаи “Дунё пур аз ҷавонист” ва 2 нашри барномаи “Робита” низ мавриди баррасӣ қарор гирифт.
Мавзӯи дигаре, ки дар давраи сипаришуда мавриди таваҷҷуҳи кормандони Муассисаи давлатии “Телевизиони Сафина” қарор дошт, ин ҷараёни иҷрои Фармони Президенти Ҷумҳурии Тоҷикистон дар бораи гузариш ба низоми ғайринақдии пардохтҳо буд. Дар барномаҳои иттилоотии Муассисаи давлатии “Телевизиони Сафина” вобаста ба афзалиятҳои истифодаи васеи пардохти ғайринақдии хизматрасониҳои пулакии давлатӣ дар давраи сипаригардида сюжету гузоришҳо мунтазам аз шаҳру ноҳияҳои ҷумҳурӣ таҳия ва пахш гардиданд. Дар давоми соли 2024 оид ба ин масъала барномаҳои “Тавозун” (се нашр), “Мегӯянд, ки…”, “Дар ин замона”, “Дунё пур аз ҷавонист”, “Андоз бақои давлат” таҳия ва пешниҳоди бинандагон гардонида шуд.
Дар нашрҳои барномаҳои “Нигористон” ва “Асрори рангҳо” фаъолияти эҷодиии рассомон инъикос гардид.
Идораи барномаҳои фарҳангӣ-фароғатии Муассисаи давлатии “Телевизиони Сафина” дар соли сипаригардида чун дигар идораҳои эҷодии муассиса сермаҳсул буд. Агар дар соли 2023 барномаҳои оригиналии идора дар як моҳ 14 соату 50 дақиқаро ташкил медод, дар соли 2024 ба 19 соат расонида шуд. Дар ин давра ғайр аз барномаҳои сеткавии идора, ки 15 ададро ташкил медиҳанд, ҳамзамон озмуну фестивалҳои ҷумҳуриявӣ, аз қабили “Тоҷикона мепӯшем”, “Ҳунар беҳ аз зар”, “Кадбонуи беҳтарин”,”Ҳунар омӯз”, “Хӯрокҳои миллӣ”, фестивали обу пиряхҳо, “Нон зеби дастархон”, “Қаннодӣ ва ҳалвопазӣ”, “Сайри гули лола”, “Либосҳои миллӣ”, “Оилаи беҳтарин”, “Сад ранги чакан”, “Муд ва зебоӣ”, “Атласу адрас” ва Экспо Душанбе дар сатҳи баланд ва пурра дар ҳаҷми 5 соат сабт ва пахш карда шуданд.
Ёдрас шудан ба маврид аст, ки дар ин давра лоиҳаҳои нави “Кадбону”, “Аз куҷо то куҷо” ва “Роҳбалад” дар идораи барномаҳои фарҳангию фароғатӣ рӯйи кор омаданд ва моҳе 4 маротибагӣ омода мешаванд.
Бахшида ба таҷлили ҷашни Сада барномаҳои “Пажӯҳиш”, “Фазо”, “Ҷашни Сада, “Мулоҳиза”, “Фарҳанги муосир”, “Ганҷур”, “Вожазори маонӣ” таҳия ва пахш гардиданд.
Ҳамчунин дар барномаи иттилоотии “Навид” шарҳу гузоришҳо аз таҷлили ҷашни Сада дар шаҳру ноҳияҳои Душанбе, Кӯлоб, Рашт, Тоҷикобод, Шаҳринав, Турсунзода, Бӯстон ва Данғара пахш гардиданд.
31-умин солгарди таъсисёбии Қувваҳои Мусаллаҳи Ҷумҳурии Тоҷикистон дар барномаҳои Муассисаи давлатии “Телевизиони Сафина” инъикоси васеъ ёфт. Бо мақсади тарғиби дастовардҳои Артиши миллӣ дар ҳамкорӣ бо Вазорати мудофиаи Ҷумҳурии Тоҷикистон дар Муассисаи давлатии “Телевизиони Сафина” барномаҳои “Муҳофизони Ватан” (3 нашр), “Вожазори маонӣ”,“Дар ин замона”, “Ҳомиёни Ватан”, “Як рӯзи сарбоз”, “Фазо”, “Дунё пур аз ҷавонист” таҳия ва пахш гардиданд.
Бахшида ба Рӯзи Модар дар Муассисаи давлатии “Телевизиони Сафина” таҳияи якчанд барномаву консертҳои идона сурат гирифт. Аз ҷумла барномаҳои “Ёде аз Модар” – давомнокӣ 35 дақиқа, “Зинатбахш” – дар бораи бонувони Артиши миллӣ бо давомнокии 20 дақиқа, “Панди Модар” – давомнокӣ 21 дақиқа, “Салом Модар”, “Зан ва зебоӣ”- дар бораи тарроҳ Мавлуда Ҳамроева, “Пайроҳа” – дар бораи ҳунарманд Раҷабгул Қосимова, “Хотираҳо” – бо иштироки ҳунарманд Сафаргул Юсуфова, “Фазо” – Ансамбли эстрадии “Гулшан”, “Вожазори маонӣ” – суҳбат бо адабиётшинос Бароти Абдураҳмон, “Ҷашни иффат”, “Дар ин замона” таҳия ва рӯзҳои 7-8 март пешниҳоди бинандагон гардонда шуданд.
Илова бар ин, барномаҳои консертии идонаи “Дуои Модар” ва “Меҳри Модар” сабт ва инъикос карда шуданд, ки ҳамагӣ ба васфи Модар бахшида шуда буданд.
Бо мақсади дар сатҳи баланд таҷлил намудани ҷашни Наврӯзи байналмилалӣ дар соли 2024 дар Муассисаи давлатии “Телевизиони Сафина” аз 19 март то 26 март бештар аз 26 барномаи идона, 9 барномаи консертӣ ва як филми мустанад бахшида ба ҷашни Наврӯзи байналмилалӣ, аз ҷумла барномаҳои “Ҷилои Наврӯз”, “Шоми Наврӯз”, “Фасли эҷод”, “Аз Наврӯз то Наврӯз”, “Наврӯз дар масири таърих”, “Ганҷур”, “Нафаси ғунча” ва ғайра пешниҳоди бинандагон гардиданд.
Дар соли 2024 тариқи барномаҳо, сомонаи расмии Муассиса ва шабакаи Ютуб либосҳои миллӣ ва чеҳраи миллии духтарону бонувони тоҷик васеъ тарғиб карда шуданд. Аз ҷумла дар ин давра барномаи “Мегӯянд, ки…” – дар бораи эҳёи либосҳои миллӣ таҳия ва пахш гардид, ки дар он Абдуфаттоҳ Аминов – директори Пажӯҳишгоҳи илмӣ-татқиқотии фарҳанг ва иттилоот дар бораи таърихи либосҳои миллӣ ҳамчун ҷузъи фарҳанги миллӣ суҳбат кард.
Барномаҳои “Чарх бизан” – давомнокӣ 24 дақиқа, “Моҳият” – ду нашр, яке дар бораи иқдоми “Тоҷикона мепӯшем” ва дуюмӣ дар бораи фалсафаи либоси миллӣ тариқи эфир пахш гардида, дар сомонаи муассиса ва шабакаи ютуб ҷойгир карда шудааст.
Вобаста ба Қонуни Ҷумҳурии Тоҷикистон “Дар бораи масъулият дар таълиму тарбияи кӯдак дар Ҷумҳурии Тоҷикистон” дар Муассисаи давлатии “Телевизиони Сафина” барномаҳои “Робита” (2 нашр), “Мулоҳиза”, “Дар ин замона” ва “Дунё пур аз ҷавонист” (2 нашр) бо ҷалби олимон, адибон ва омӯзгорону донишҷӯёни фаъол таҳия ва манзури бинандагон гардонида шуд.
Дар Муассисаи давлатии “Телевизиони Сафина” дар доираи иҷрои дастуру супоришҳои Президенти Ҷумҳурии Тоҷикистон, ки 09 марти соли 2024 зимни мулоқот бо намояндагони аҳли ҷомеа ва ходимони дини кишвар баён доштанд ва бо мақсади ба аҳолӣ фаҳмонидани талаботи Қонуни Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” барномаҳои “Мавқеъ”, “Фарҳанги муосир”, “Робита”, “Мулоҳиза” ва дар барномаҳои иттилоотии “Навид” ва “Субҳ ба хайр, Тоҷикистон” сюжету гузоришҳо таҳия ва пахш гардиданд.
Бахшида ба Рӯзи Шашмақом барномаҳои “Мақоми Истаравшан”, “Фуруғи Шашмақом”, “Фазо”- ансамбли Шашмақоми шаҳри Турсунзода, “Ганҷур”, “Ман ва Шашмақом”, “Рози мақом” наворбардорӣ ва манзури бинандагон карда шуд.
Дар доираи таҷлили Рӯзи ҷавонон дар “Телевизиони Сафина” барномаҳои “Дунё пур аз ҷавонист”, “Моҳият”, “Дар ин замона”, “Мулоҳиза”, “Фазо” таҳия ва пахш гардиданд.
Ба ифтихори Рӯзи Ваҳдати миллӣ дар Муассисаи давлатии “Телевизиони Сафина” барномаҳои “Моҳият”, “Фасли иршод”, “Ваҳдати устувор”, “Дарси таърих”, “Оини Ватандорӣ”, “Пажӯҳиш”, “Дунё пур аз ҷавонист”, “Инсон ва ҳуқуқ” ва “Мулоҳиза” таҳия ва пахш карда шуданд, ки дар онҳо таърихшиносон ва олимони соҳа доир ба мақоми Пешвои миллат муҳтарам Эмомалӣ Раҳмон ва миллати сарбаланди тоҷик дар ба даст овардани Ваҳдати миллӣ ибрози андеша намуданд.
Дар Муассисаи давлатии “Телевизиони Сафина” шуруъ аз соли 2024 вобаста ба “Шоҳнома”-и Абулқосим Фирдавсӣ ду силсилабарнома, “Достон” ва “Шоҳномахонӣ” таҳия ва пешниҳоди бинанда мешаванд. Инчунин бахши доимӣ дар барномаи “Субҳ ба хайр, Тоҷикистон” бо иштироки Ҳафиз Раҳмон таҳия мегардад.
Дар Муассисаи давлатии “Телевизиони Сафина” оид ба амалисозии ташаббуси панҷуми байналмилалии Президенти Ҷумҳурии Тоҷикистон дар бораи эълон шудани “Соли 2025 – Соли байналмилалии ҳифзи пиряхҳо” нақшаи чорабиниҳо таҳия ва тасдиқ гардида, тибқи он миёни кормандони муассиса барои таҳияи “Беҳтарин филми мустанад” озмун эълон гардид.
Дар тӯли соли 2024 Идораи таҳия ва дубляжи филмҳо 60 филми бадеиро дар ҳаҷми зиёда аз 6300 дақиқа ё зиёда аз 105 соат дар мавзуҳои гуногун тарҷума ва дубляж карда пешниҳоди бинандагон гардонид.
Ҳамкориҳои Муассисаи давлатии “Телевизиони Сафина” бо шабакаҳои телевизионии хориҷи кишвар рӯз то рӯз тақвият меёбанд. Аз ҷумла дар давраи ҳисоботӣ бо Медиакорпоратсияи Чин «CMG» Ёдошти тафоҳум дар бораи ҳамкорӣ ба имзо расонида шуд.
Дар давраи минбаъда бо амалисозии лоиҳаҳои нави телевизионӣ кушиш ба харҷ медиҳем, доираи тамошобини шабакаро боз ҳам васеъ ва сатҳу сифати барномаҳоро боз ҳам баландтар бардорем.