11 июн Сафири тозатаъйини Фавқулода ва Мухтори Ҷумҳурии Тоҷикистон дар Давлати Кувайт Хусрав Нозирӣ бо муовини Вазири корҳои хориҷии Давлати Кувайт дар масъалаҳои ташрифотӣ Абдулмуҳсин аз-Зайд мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, дар мулоқот муносибатҳои дуҷониба, ҳамкорӣ байни ду мамлакат дар соҳаҳои гуногун ва масъалаҳои ташрифоти дипломатӣ дар Кувайт баррасӣ гардиданд.