Ҳайати эҷодӣ ва техникии Муассисаи давлатии “Телевизиони Сафина” фаъолияти худро дар асоси амру фармон ва дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, Қарору Қонунҳои Ҳукумати Ҷумҳурии Тоҷикистон ва дар доираи Оинномаи Муассиса ба роҳ монда, дар нимсолаи якуми соли 2023 як қатор корҳои назаррасро ба анҷом расонид. Дар нимсолаи якум теъдоди барномаҳои доимии муассиса ба 54 адад расид, ки 5 – тои он лоиҳаҳои нав мебошанд. Дар нимсола 1332 барнома таҳия ва тариқи эфир пахш гардид. Дар давраи ҳисоботӣ аз 3174 (се ҳазору яксаду ҳафтоду чор) соати эфир 1010 (як ҳазору даҳ) соати онро барномаҳои асл ташкил дод.
Дар ин давра инъикоси ҷараёни иҷрои вазифаҳое, ки дар Паёми Президенти Ҷумҳурии Тоҷикистон 23 декабри соли 2022 “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” зикр гардидаанд, дар мадди аввал меистод. Вобаста ба ҷараёни иҷрои дастуру нишондодњои Паёми Президенти Ҷумҳурии Тоҷикистон дар ҳама самтҳо ба таври доимӣ гузориш ва барномањои телевизионӣ тањия ва манзури бинандагон гардонида шуданд. Дар давраи ҳисоботӣ 48 барномаи телевизионӣ сабт ва пахш карда шуданд,ки масоили вобаста ба ҷалби сармоя ба соҳаҳои иқтисодиёт, ҷудо кардани қарзҳои имтиёзнок ба соҳибкорон, пасандозҳои аҳолӣ дар бонкҳо, вазъи содироти маҳсулоти гуногун ба хориҷи кишвар, рушди саноат ва фаъолияти корхонаҳои истеҳсолӣ, мақоми зан дар ҷомеа, такмили ихтисос ва омода кардани кадрҳои болаёқат, соҳаи кишоварзиву боғдориро дар бар мегирифтанд.
Дар барномаҳои иттилоотии “Телевизиони Сафина” давоми шашмоҳаи якуми соли 2023 ҷиҳати истиқболи шоистаи ҷашни 35 солагии Истиқлоли давлатии Ҷумҳурии Тоҷикистон дар радифи инъикоси сафарҳои кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои алоҳидаи вилоятҳои Суғду Хатлон, инчунин раванди тадбирҳои созандагӣ дар саросари мамлакат ба таври густурда инъикос гардид.
Мавзӯи дигаре, ки дар давраи ҳисоботӣ мавриди таваҷҷуҳи кормандони Муассисаи давлатии “Телевизиони Сафина” қарор дошт, озмунҳои ҷумҳуриявии “Фурӯғи субҳи доноӣ китоб аст”, “Тоҷикистон Ватани азизи ман”, “Илм фурӯғи маърифат” ва “Тоҷикон”- оинаи таърихи миллат” буд. Дар ин мавзуъ бештар аз 50 гузоришу сюжет аз шаҳру ноҳияҳои ҷумҳурӣ омода ва дар барномаҳои иттилоотии шабака пахш карда шуд.
Даври ноҳиявии Озмуни ҷумҳуриявии “Тоҷикистон Ватани азизи ман”, ки моҳи май шуруъ шуд, аз 25 шаҳру ноҳияҳои вилояти Хатлон пурра сабт ва пешниҳоди бинандагон гардид.
Чор нафар кормандони муассиса дар даври ноҳиявии озмуни ҷумҳуриявии “Фурӯғи субҳи доноӣ китоб аст” иштирок карда, ҷойҳои ифтихориро ишғол карданд ва ба даври минбаъдаи озмун роҳхат гирифтанд.
Дар барномаҳои “Минбари андеша”, “Субҳ ба хайр, Тоҷикистон”, “Сада” ва “Як анъана” ҷашни Сада инъикос карда шуд.
30-юмин солгарди таъсисёбии Қувваҳои Мусаллаҳи Ҷумҳурии Тоҷикистон дар барномаҳои Муассисаи давлатии “Телевизиони Сафина” инъикоси васеъ ёфт. Идораи барномаҳои ҷавонии муассиса бахшида ба ин ҷашн 7 – соат барномаи асл омода карданд.
Бахшида ба Рӯзи модар дар Муассисаи давлатии “Телевизиони Сафина” 19 барномаи телевизионӣ дар жанрҳои гуногун таҳия ва тариқи эфир пахш гардиданд.
Аз 19 март то 26 март бештар аз 25 барномаи идона бо давомнокии 24 соат бахшида ба ҷашни Наврӯзи байналмилалӣ пешниҳоди бинандагон гардиданд.
Аз 27 апрел то 4 майи соли 2023 дар шаҳри Душанбе бахшида ба 35 – солагии Истиқлоли давлатии Ҷумҳурии Тоҷикистон Фестивал-озмуни ҷумҳуриявии театрҳои касбӣ «Парасту-2023» баргузор гардид, ки дар он 18 театри касбии ҷумҳурӣ иштирок намуда, беҳтарин намоишномаҳое, ки тӯли солҳои 2021 – 2022 рӯи саҳна омадаанд, барои мухлисони санъати театрӣ пешниҳод намуданд. Ҳайати эҷодии Муассисаи давлатии «Телевизиони Сафина» ҳамаи спектаклҳои ба фестивал пешниҳодшударо пурра сабт ва тариқи эфир намоиш доданд. Ҳамарӯза рӯзномаи фестивал омода шуда, аз ҷараёни фестивал гузоришу сюжетҳо дар барномаҳои иттилоотӣ ва “Субҳ ба хайр, Тоҷикистон” пахш гардиданд.
Дар тӯли шаш моҳи аввали соли равон Идораи таҳия ва дубляжи филмҳо 30 филми бадеиро дар ҳаҷми зиёда аз 2940 дақиқа ё зиёда аз 49 соат дар мавзуъҳои гуногун тарҷума ва дубляж карда, пешниҳоди бинандагон гардонид.
Барои баланд бардоштани малакаи касбӣ аз аз оғози сол бо ҷалби мутахассисони варзида барои наворбардорони муассиса машғулиятҳои омӯзишӣ ташкил кардем. Ҳамчунин барои кормандони техникии 8 намояндагии шабака курси кутоҳмуддати такмили маҳорат ташкил карда шуд, ки натиҷаи онро имрӯз мо мебинем, зеро сатҳу сифати гузоришҳои минтақавии мо аз ҳар лиҳоз хеле баланд гардидааст.
Дар давраи минбаъда ташкили курсҳои кутоҳмуддат барои васлгарони барномаҳо ва кормандони техникӣ низ ба нақша гирифта шудааст.