Ҳунармандони театри давлатии ҷумҳуриявии «Лӯхтак»-и шаҳри Душанбе дар Фестивали 4-уми байналмилалии театрҳои лӯхтак таҳти унвони «Перекресток» («Чорсу») бо намоиши «Наврӯз» иштирок намуданд. Фестивал аз 31 май то 8 июн дар шаҳри Новосибирски Федератсияи Русия доир гардид.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иброз доштанд, иштирок дар ин фестивали бонуфуз барои муаррифии санъати театрии лӯхтаки Тоҷикистон дар арсаи байналмилалӣ, таҳкими ҳамкории фарҳангӣ ва мубодилаи таҷриба бо театрҳои мамлкатҳои гуногун имконияти мусоид фароҳам меорад.
Ҳадафи фестивал таҳкими ҳамкорӣ дар соҳаи театрҳои лӯхтак, эҳё ва рушди театр, инчунин беҳбуд бахшидан ба тарбияи эстетикии насли наврас мебошад.