Аз 28 то 30 августи соли 2026 дар шаҳри Лозаннаи Швейтсария мусобиқаи байналмилалии «Lausanne Grand Slam-2026» оид ба гӯштини ҷудо баргузор мегардад. Дар ин мусобиқа чордаҳ варзишгари Тоҷикистон иштирок менамояд. Дар ин хусус ба шореҳи варзиши АМИТ «Ховар» муовини Раиси Федератсияи ҷудои Тоҷикистон Эргаш Маҳмадбеков хабар дод.
Дар ҳайати дастаи мунтахаби Тоҷикистон оид ба гӯштини ҷудо дар мусобиқаи байналмилалии «Lausanne Grand Slam-2026» аз байни мардон Лоиқ Қутбуддинов дар вазни то 60, Эмомалӣ Нуралӣ ва Искандар Маҳмадхоҷазода дар вазни то 66 кг, Муҳиддин Асадуллоев ва Масъуди Аҳмадзод дар вазни то 73 кг, Беҳрузи Хоҷазода ва Абубакр Шеров дар вазни то 81 кг, Муҳаммадҷон Абдуҷалилзода ва Шодмон Ризоев дар вазни то 90 кг, Ҷаҳонгир Маҷидов ва Сомонӣ Кишваров дар вазни то 100 кг ва Мансур Раҳмон дар вазни +100 кг иштирок мекунанд.
Дар ин мусобиқа аз байни духтарон Аҳлия Муминова дар вазни то 48 кг ва Мадина Қурбонзода дар вазни то 52 кг иштирок менамоянд.